افغانستان میں طالبان انتظامیہ کے ترجمان ذبیح اللّٰہ مجاہد نے ایک بیان میں کہا کہ ٹی ٹی پی کے لیڈروں کی افغانستان میں موجودگی کا پاکستانی وزیر داخلہ کا دعویٰ مسترد کرتے ہیں۔
انہوں نے مزید کہا کہ ہم کسی کو بھی افغان سرزمین دوسرے ممالک کے خلاف استعمال کرنے کی اجزت نہیں دیتے ہیں، یہ پاکستان کی محض ایک چال اور جھوٹ کے سوا کچھ نہیں۔
افغانستان پاکستان میں جنگ نہیں چاہتا ہے۔
واضح رہے کہ پاکستان کے وفاقی وزیر داخلہ محسن نقوی نے گزشتہ روز تحریک طالبان پاکستان (ٹی ٹی پی) کی افغانستان میں موجودگی کا بیان دیا تھا۔
ان کا کہنا تھا پاکستان میں چینی شہریوں پر حملے کے لئے افغانستان کی سرزمین استعمال ہوئی تھی۔