ایران: اسماعیل ہنیہ کو قتل کرنے پر اسرائیل پر حملے کا حکم دے دیابین الاقوامی میڈیا کے مطابق ایرانی سپریم لیڈر آیت اللہ علی خامنہ ای نے تہران میں حماس کے رہنما اسماعیل ہنیہ کے قتل کا بدلہ لینے کے لیے اسرائیل پر براہ راست حملہ کرنے کا حکم دیا ہے۔
نیویارک ٹائمز نے تین نامعلوم ایرانی عہدیداروں کے حوالے سے اطلاع دی ہے کہ خامنہ ای نے ہنیہ کی موت کے اعلان کے بعد بدھ کی صبح ایران کی سپریم نیشنل سیکیورٹی کونسل کے ہنگامی اجلاس کے دوران یہ حکم جاری کیا۔
خامنہ ای نے اس سے قبل اپنی ویب سائٹ پر کہا تھا کہ اسرائیل نے خود اپنی سخت سزا کا مرحلہ طے کر لیا ہے۔
آئی آر جی سی نے اسرائیل پر دہشت گردانہ حملے کا الزام لگایا جس میں ہنیہ اور اس کے محافظ کو تہران میں ان کی رہائش گاہ پر ہلاک کیا گیا۔ انہوں نے تعزیت کا اظہار کیا اور اس عمل کو بین الاقوامی قوانین کی خلاف ورزی قرار دیتے ہوئے سخت اور دردناک ردعمل کا وعدہ کیا۔
ایرانی صدر مسعود پیزشکیان نے بھی سوشل میڈیا پر تعزیت کا اظہار کرتے ہوئے ایران کی سالمیت اور وقار کا دفاع کرنے اور اسرائیل کو اپنے کیے پر پچھتاوا کرنے کے عزم کا اظہار کیا۔