خبر رساں ایجنسی اے این آئی کے مطابق، دہلی-این سی آر کے تقریباً 100 اسکولوں کو یکم مئی کو ای میل کے ذریعے بم کی دھمکیاں موصول ہوئی تھیں، جس میں انہیں ان کے احاطے میں بم رکھنے کی وارننگ دی گئی تھی۔ پولیس نے الرٹ کے بعد سرچ آپریشن شروع کر دیا ہے۔ ابتدائی تحقیقات سے پتہ چلتا ہے کہ دہلی کے متعدد اسکولوں کو بم کی دھمکیوں کی ایسی ہی ای میلز موصول ہوئی ہیں۔
دہلی پولیس نے جاری ایک بیان میں کہا ہے کہ اسکولوں میں آج کے بم کی دھمکی ایک دھوکہ لگتا ہے اور لوگوں کو گھبرانے کی ضرورت نہیں۔ پولیس نے مزید کہا کہ تمام طلباء کو نکال لیا گیا ہے اور ان کی حفاظت کے لیے انہیں گھر واپس بھیجا جا رہا ہے۔
دہلی فائر سروسز (ڈی ایف ایس) کے سربراہ نے کہا کہ بم کی دھمکیوں سے متعلق متعدد کالیں اسکول کے حکام کے ساتھ ساتھ دہلی پولیس کے افسران کو موصول ہوئی ہیں۔ ایک جگہ سے بار بار کالیں آرہی تھیں۔ ابھی تک ہم کہہ سکتے ہیں کہ ہمارے فائر کنٹرول روم میں تقریباً 60 اسکولوں سے بم کی دھمکی کی کالیں موصول ہوئی تھیں۔
