جنوری کو ہنزہ، نگر، سکردو، غذر اور یاسین کے رہائشیوں نے گلگت کی طرف لانگ مارچ کا آغاز کیا۔ مزید برآں، رپورٹس بتاتی ہیں کہ گلگت بلتستان کے مختلف علاقوں سے بھی ریلیاں گلگت میں جمع ہو رہی ہیں۔
گزشتہ ایک ماہ سے گلگت بلتستان میں مسلسل احتجاجی مظاہرے جاری ہیں، اسکردو میں گزشتہ 32 دنوں سے مسلسل مظاہرے جاری ہیں۔ گلگت بلتستان میں 26 اور 27 جنوری کو مکمل تعطل کا شکار رہا کیونکہ پورے خطے نے احتجاج کے طور پر شٹر ڈاؤن اور ٹریفک بلاک رکھا۔ تمام اضلاع میں بڑے مظاہرے اور ریلیاں نکالی گئیں تاکہ تحفظات کا اظہار کیا جا سکے۔
خاص طور پر بڑھے ہوئے سبسڈی والے گندم کے نرخوں اور دیگر شکایات کے خلاف ہڑتال کے دوران گلگت، اسکردو، دیامر، غذر، استور، شغر، گھانچے، کھرمنگ، ہنزہ اور نگر سمیت مختلف علاقوں میں ٹریفک معطل اور دکانیں، بازار، ریسٹورنٹ اور تجارتی مراکز بند رہنے سے معمولات زندگی درہم برہم ہو گئے۔ . ہڑتال کے اثرات کے باعث ٹرانسپورٹ کی عدم دستیابی کی وجہ سے نجی اور سرکاری دفاتر کے ساتھ ساتھ تعلیمی اداروں میں حاضری کم ہوگئی۔ اس کے نتیجے میں، لوگوں کے لیے ضروری اشیاء حاصل کرنے اور سفر کرنے میں مشکلات پیدا ہوئیں۔
مقرریں کا کہنا تھا ہم یہاں ہیں اور یہی رہیں گے اور 76 سالوں کا حساب لیکر جائیں گے۔ اسٹیٹ سبجیکٹ رول کی بحالی، اپنا جھنڈا، اپنا ترانا، اپنا وزیراعظم، اپنا آئین کے ساتھ خودمختار گلگت بلتستان سے کم کچھ منظور نہیں. گلگت کے مختلف مقامات سے بڑے پیمانے پر ریلیاں گلگت شہر کی طرف روانہ ہو رہی ہیں جہاں پر زبردست احتجاجی مظاہرہ کیا جائے گا۔ عوامی ایکشن کمیٹی نے اعلان کیا ہے کہ گلگت بلتستان کے 10 اضلاع میں 2 روزہ پہیہ جام اور شٹر ڈاؤن ہڑتال شروع۔
