الیکشن کمیشن آف انڈیا کی جانب سے باضابطہ نوٹیفکیشن جاری
کاغذات داخل کرنے کی تاریخ 20 اکتوبر جبکہ جانچ پڑتال 22 اکتوبر کو ہوگی
طارق جنجو عہ
جموں //بڈگام اور نگروٹہ ضمنی انتخابات کے سلسلے میں نامزدگی کا عمل شروع ہو گیا ہے جس دوران الیکشن کمیشن آ ف انڈیا کی جانب سے جاری کردہ نوٹیفکیشن کے مطابق امید وار 20اکتوبر تک کاغذات نامزدگی داخل کر سکتے ہیں ۔نما ہندہ کے مطابق بڈگام اور نگروٹہ اسمبلی حلقوں کیلئے نامزدگی کا عمل الیکشن کمیشن آف انڈیا نے ان کے لئے دو الگ الگ نوٹیفکیشن جاری کرنے کے ساتھ شروع کیا۔الیکشن کمیشن آف انڈیا کی جانب سے جاری کردہ نوٹیفیکیشن کے مطابق امیدوار 27بڈگام اور 77 نگروٹہ اسمبلی نشستوں کیلئے 20 اکتوبر تک اپنے کاغذات نامزدگی داخل کر سکتے ہیں۔کمیشن نے اعلان کیا کہ نامزدگیوں کی جانچ پڑتال 22 اکتوبر کو ہوگی، جب کہ امیدواروں کی واپسی کی آخری تاریخ 24 اکتوبر ہے۔جہاں پہلے ہی اعلان کیا گیا ہ کہ ووٹنگ 11 نومبر کو ہوگی اور گنتی 14 نومبر کو ہوگی۔خیال رہے کہ بڈگام سیٹ 21 اکتوبر 2024 کو اس وقت خالی ہوئی جب وزیر اعلیٰ عمر عبداللہ نے 2024 کے اسمبلی انتخابات میں دونوں سیٹوں سے کامیابی کے بعد گاندربل حلقہ کو برقرار رکھنے کا انتخاب کیا۔ نگروٹا سیٹ 31 اکتوبر 2024 کو بی جے پی ایم ایل اے دیویندر سنگھ رانا کے انتقال کی وجہ سے خالی ہوئی تھی۔
