کالعدم ٹی ٹی پی اورپاکستان درمیان مذاکرات جاری، طالبان کا قیدیوں کی رہائی کا مطالبہ

0
243

طالبان ذرائع کا بتانا ہے کہ افغان طالبان کے کمانڈر  سراج الدین حقانی مذاکرات میں اہم کردار ادا کر رہے ہیں اور ان کی کوشش ہےکہ مذاکرات کامیاب ہو جائیں۔

ذرائع کے مطابق کالعدم ٹی ٹی پی کے سربراہ مفتی نور ولی خود مذاکرات میں شریک ہیں اور مذاکرات کی سربراہی کررہے ہیں۔

طالبان ذرائع کا یہ بھی دعویٰ ہے کہ مضبوط ضمانت اور شرائط تسلیم کرنے کی صورت میں مذاکرات کامیاب ہوسکتے ہیں۔

حکومت پاکستان نےکالعدم ٹی ٹی پی کو ہتھیار رکھ کر سرینڈر کرنے کا کہا ہے لیکن طالبان کا کہنا ہے کہ ہتھیار رکھ کر آگے بڑھنا قبل از وقت ہے، کالعدم ٹی ٹی پی کے کچھ دھڑے مذاکرات کے حامی ہیں جب کہ کچھ سخت مؤقف اپنائے ہوئے ہیں۔

ذرائع کا کہنا ہےکہ کالعدم ٹی ٹی پی نے حکومت سے اپنے قیدیوں کی رہائی کا مطالبہ کیا ہے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں