بہار میں 22 سالہ لڑکی بیٹےکو جنم دینےکے بعد ایمبولینس میں امتحان دینے پہنچ گئی

0
42

ریاست بہار میں 22 سالہ لڑکی بیٹے کی پیدائش کے بعد فوری طور پر ایمبولینس میں دسویں جماعت کے بورڈ کا امتحان دینے سینٹر پہنچ گئی۔

میڈیا رپورٹس کے مطابق رُکمنی کماری ضلع بانکا کے گورنمنٹ اسکول کی طالبہ تھیں، بدھ کی صبح انہوں نے ایک بچے کو جنم دیا، جس کے تین گھنٹے بعد ڈاکٹروں اور اہلخانہ کے منع کرنے کے باوجود وہ سائنس کا پرچہ دینے سینٹر پہنچ گئیں۔

میڈیا سے گفتگو کرتے ہوئے  رُکمنی کماری کا کہنا تھا کہ منگل کے روز میرا ریاضی کا پرچہ تھا، پرچہ دینے کے دوران مجھے تکلیف ہو رہی تھی، گھر آکر بھی تکلیف کم ہونے کے بجائے بڑھ گئی جس کے بعد رات گئے مجھے اسپتال لے جایا گیا۔

رُکمنی نے مزید بتایا کہ ان کے بیٹے کی پیدائش بدھ کی صبح 6 بجے ہوئی۔

ڈاکٹرز نے بتایا کہ رُکمنی نے ہم سے درخواست کی کہ اسے بورڈ کا امتحان لازمی دینا ہے، جس کے بعد ہم نے ایمبولینس کے ساتھ دو نرسیں اس کے ہمراہ بھیجیں، تاہم اب بچے اور ماں دونوں کی صحت ٹھیک ہے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں