بلوچستان اورخیبر پختونخوا میں پاکستانی فورسز پر دوحملوں میں گاڑی مکمل تباہ اور 2اہلکارہلاک ہوگئے۔
پاکستانی فوج کے شعبہ تعلقات عامہ آئی ایس پی آر کے مطابق خیبر پختونخواکے ضلع باڑہ کے عمومی علاقے میں سیکیورٹی فورسز کی گاڑی کے قریب بارودی مواد پھٹنے کے نتیجے میں لوئر دیر سے تعلق رکھنے والے 37 سالہ نائب صوبیدار حضرت گل اور جنوبی وزیرستان سے تعلق رکھنے والے 34 سالہ سپاہی نذیر اللہ محسودہلاک ہوگئے۔
دوسری جانب بلوچستان کے علاقے کولواہ میں فورسز کے قافلے پر مسلح افراد حملہ کیا۔
مقامی ذرائع کے مطابق مذکورہ حملے میں حملہ آوروں نے آر پی جی اور دیگر ہتھیاروں کا استعمال کیاجس سے فورسز کی گاڑی تباہ ہو گئی ۔
یہ واقعہ کولواہ کے علاقے سگک تنک میں پیش آیا۔
علاقائی ذرائع کا کہنا ہے کہ حملے میں بم دھماکوں اور گولیوں کی شدید آواز سنائی دی گئی ہیں۔
ذرائع کا کہنا ہے حملے میں فورسز کو نقصانات کا سامنا رہا ہے تاہم حکام کا موقف اس حوالے سے تاحال سامنے نہیں آیا ہے ناہی حملے کی ذمہ داری کسی نے قبول کی ہے۔
