ژوب: پاکستانی فوج پر حملہ، چار اہلکار ہلاک

0
13

جمعہ اور جمعرات کے درمیانی شب مسلح افراد نے بلوچستان کے علاقے ژوب میں پاکستانی فوج پر حملہ کرکے چار اہلکاروں کو ہلاک جبکہ پانچ کو زخمی کردیا ہے۔

پاکستان فوج کے شعبہ تعلقات عامہ (آئی ایس پی آر ) نے واقعہ کی تصدیق کرتے ہوئے کہا کہ حملے میں حوالدار ستار، لانس نائیک شیر اعظم، لائنس نائیک عدنان اور سپاہی ندیم ہلاک ہوئے ہیں۔

آئی ایس پی آر نے جوابی فائرنگ کے تبادلے میں تین افراد کو بھی مارنے کا دعویٰ کیا ہے تاہم آزاد ذرائع سے اسکی تصدیق نہیں ہوسکی ہے۔

خیال رہے کہ مذکورہ علاقے میں تحریک طالبان پاکستان ( ٹی ٹی پی ) متحرک ہے جس نے اس سے قبل پاکستانی فوج پر متعدد حملوں کی ذمہ داری قبول کرچکی ہے، تاہم آج ہونے والے حملے کی ذمہ داری تاحال کسی نے قبول نہیں کی ہے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں