خیبرپختونخوا کے ضلع کوہستان میں وائرل ویڈیو کے بعد جرگے کے حکم پر قتل ہونے والی لڑکی کے کیس میں پولیس اور ایف آئی اے نے چچا سمیت چار ملزمان کو گرفتار کرلیا، جن میں انٹرنیٹ پر ویڈیو شیئر کرنے والے تین ملزمان بھی شامل ہیں۔
تفصیلات کے مطابق وفاقی تحقیقاتی ایجنسی (ایف آئی اے) کے سائبر کرائم ونگ نے کوہستان میں ویڈیو وائرل ہونے کے نتیجے میں قتل ہونے والی لڑکی کے کیس میں ویڈیو سوشل میڈیا پر شیئر کرنے والے تین نوجوانوں کو گرفتار کرلیا۔
ایف آئی اے ی تحقیقات میں یہ بات سامنے آئی کہ مقامی نوجوان یاسین کے فون پر جعلی آئی ڈی بنا کر ویڈیو اپ لوڈ کی گئی، جس میں مزید دو مقامی نوجوان شفیع اور نظام بھی ملوث تھے۔
تفصیلات کے مطابق وفاقی تحقیقاتی ایجنسی (ایف آئی اے) کے سائبر کرائم ونگ نے کوہستان میں ویڈیو وائرل ہونے کے نتیجے میں قتل ہونے والی لڑکی کے کیس میں ویڈیو سوشل میڈیا پر شیئر کرنے والے تین نوجوانوں کو گرفتار کرلیا۔
ایف آئی اے ی تحقیقات میں یہ بات سامنے آئی کہ مقامی نوجوان یاسین کے فون پر جعلی آئی ڈی بنا کر ویڈیو اپ لوڈ کی گئی، جس میں مزید دو مقامی نوجوان شفیع اور نظام بھی ملوث تھے۔
ذرائع نے بتایا کہ گرفتار نوجوانوں سے دو چار دن میں مزید نئے انکشافات متوقع ہیں جس کی روشنی میں مزید گرفتاریاں بھی ہوسکتی ہیں۔
اس کے علاوہ پولیس نے مقتولہ کے چچا محمد نواز کو بھی گرفتار کر کے مجسٹریٹ کی عدالت میں پیش کیا جہاں جج نے اُن کو چار روزہ جسمانی ریمانڈ پر پولیس کے حوالے کردیا۔
واضح رہے کہ چند روز قبل ویڈیو وائرل ہونے کے بعد مقامی جرگے کے حکم پر نوجوان لڑکی کو باپ اور چچا نے قبرستان لے جاکر قتل کیا اور پھر اُسے دفنا دیا تھا، پولیس نے بروقت کارروائی کرتے ہوئے ایک اور لڑکی کی زندگی کے تحفظ کو یقینی بنایا جبکہ ویڈیو میں نظر آنے والے لڑکوں کو بھی حفاظتی تحویل میں لے لیا ہے۔
