بلوچ یکجہتی کمیٹی کے اعلامیہ میں کہا گیا ہے کہ بلوچ نسل کشی کے خلاف شہید بالاچ اور لاپتہ افراد کے لواحقین کے ہمراہ احتجاجی تحریک کل کیچ سے لانگ مارچ کی شکل میں نکل کر پنجگور کی طرف روانہ ہوگی۔
انہوں نے کہا ہے کہ ہم پہلے دن سے کہہ رہے ہیں کہ اگر ریاست ہمارے مطالبات پر سنجیدگی سے غور نہیں کرتا اور اپنی پالیسیوں میں تبدیلی لانے کیلئے تیار نہیں تو شہید بالاچ اور دیگر کی شہادت سے اٹھنے والی یہ تحریک بلوچستان کے کونے کونے تک پہنچے گی کیونکہ ہم نہیں چاہتے کہ دیگر لاپتہ افراد کی لاشیں ہمیں گولیوں سے چھلنی نعش کی صورت جعلی مقابلوں میں ملیں۔
انہوں نے مزید کہا کہ کل پنجگور کے باشعور عوام اور ریاستی ظلم کے شکار بلوچ قوم سے اپیل کی جاتی ہے کہ وہ لانگ مارچ کے استقبال کرنے کے ساتھ ساتھ جبری گمشدگی کے شکار افراد اپنے کیسز رجسٹر کرائیں جبکہ سیاسی و ظلم کے شکار افراد لانگ مارچ کی شکل میں جاری تحریک کا حصہ بنیں۔
