میڈیا کے مطابق گزشتہ سال دنیا بھر میں شاندار کامیابی حاصل کرنے اور باکس آفس کے کئی ریکارڈ توڑنے کے بعد، میگا اسٹار شاہ رخ خان کی سُپر ہٹ فلم ‘جوان’ اب جاپانی مارکیٹ پر بھی قبضہ جمانے کے لیے تیار ہے۔
رپورٹ میں بتایا گیا کہ شاہ رخ خان کی فلم ‘جوان’ رواں سال 29 نومبر کو جاپان کے سینما گھروں میں ریلیز ہوگی جبکہ اس کی ایڈوانس بکنگ 5 جولائی سے شروع ہورہی ہے۔
بتایا جارہا ہے کہ جو مداح ریلیز سے چار ماہ قبل اپنے لیے ‘جوان’ کے ٹکٹ خرید لیں گے تو اُنہیں تحفے میں ٹکٹ کے ساتھ شاہ رخ خان کے ہٹ گانے ‘چھلیا’ کے خصوصی پوسٹرز بھی ملیں گے۔
