مقبوضہ بلوچستان کے ضلع پنجگور میں گزشتہ رات پاکستانی فوج کے ایک گاڑی کو بم سے نشانہ بنانے کی ذمہ داری متحرک بلوچ مسلح تنظیم بی ایل ایف نے قبول کر لی ہے۔
بلوچستان لبریشن فرنٹ کے ترجمان میجر گہرام بلوچ نے نامعلوم مقام سے میڈیا میں جاری بیان میں کہا ہے کہ گزشتہ رات بارہ بجے سرمچاروں نے ضلع پنجگور کے علاقے پروم میں یعقوب بازار میں آرمی کیمپ کے قریب ایک فوجی گاڑی کو ریمورٹ کنٹرول بم سے نشانہ بنایا جس سے گاڑی تباہ ہوئی اور اس میں سوار چاروں فوجی اہلکار ہلاک ہوئے ہیں۔
واضح رہے کہ بلوچ آزادی پسند مسلح تنظیموں کی جانب سے پاکستانی فوج پر حملوں میں گزشتہ ماہ سے تیزی دیکھنے میں آئی ہے۔
