امریکا نے القاعدہ برصغیر اور اورٹی ٹی پی کے 4 رہنما دہشتگرد قراردے دیے

0
13

امریکا نے القاعدہ برصغیر اور تحریک طالبان پاکستان (ٹی ٹی پی) کے چار رہنماؤں کو عالمی دہشتگرد قرار دے دیا۔

امریکی وزات خارجہ کی جانب سے جاری کردہ بیان میں القاعدہ برصغیر کے امیر اسامہ محمود اور نائب امیر عاطف یحیٰ کودہشتگرد قرار دیا گیا ہے۔

امریکی وزارت خارجہ کی جانب سے القاعدہ برصغیر کی بھرتیوں کے معاملات دیکھنے والے محمد معروف کو بھی دہشتگرد قرار دیا گیاہے۔

تحریک طالبان پاکستان کے قاری امجد کو بھی امریکی وزارت خارجہ نے دہشتگرد قرار دے دیا ہے۔

امریکی محکمہ خارجہ کا کہنا ہے کہ قاری امجد خیبرپختونخوا میں آپریشنز اور عسکریت پسندوں کا سرغنہ ہے۔

اس حوالے سے امریکی وزیر خارجہ انٹونی بلنکن نے کہا ہے کہ امریکا افغانستان میں سرگرم دہشتگرد گروپوں کی طرف سے لاحقخطرات کا مقابلہ کرنے کیلئے پُرعزم ہے۔

انٹونی بلنکن نے کہا کہ اس بات کو یقینی بنانا ہوگا کہ افغانستان دہشتگردوں کی آماجگاہ نہ بنے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں