مقبوضہ بلوچستان: ضلع کیچ میں پاکستانی فوج کا خونی آپریشن جاری،دس افراد فورسز نے اغوا کر لیے

0
135

مقبوضہ بلوچستان کے ضلع کیچ کے علاقے دشت میں گزشتہ روزپاکستانی فوج پر بی ایل ایف کے حملوں کے بعد پاکستانی فوج کا گزشتہ کئی دنوں سے آپریشن کا سلسلہ جاری جس میں کئی افراد کو حراست بعد لاپتہ کیا گیا۔

واضح رہے کہ25 جنوری کو بلوچستان لبریشن فرنٹ کے سرمچاروں نے ضلع کیچ کے تحصیل دشت میں سبدان کے مقام پر پاکستانی فوج کی چوکی کو مکمل تباہ کر کے پاکستان کے17 فوجی اہلکاروں کو ہلاک کیا تھا۔

اسکے بعد گزشتہ روز پاکستان کے آرمی چیف جنرل باجواہ نے مذکورہ علاقے کا دورہ کیا اور آپریشن میں تیزی کے احکامات دئیے۔

اطلاعات کے مطابق فورسز نے دشت کے علاقے درچکو سے دوران آپریشن دس سے زیادہ لوگوں کو حراست میں لینے کے بعد نامعلوم مقام منتقل کردیا ہے۔لاپتہ ہونے والوں میں تین ضعیف العمر بھی شامل ہیں جنکی شناخت اسی سالہ مراد، اسی سالہ کمال اور اسی سالہ حبیب کے ناموں سے ہوئی ہے۔دیگر نوجوانوں کی شناخت فدا ولد نظر، فدا ولد ابراہیم، اویس ولد رسول بخش،حنیف ولد فراک، نیاز ولد امید عابد ولد بشیر اور بلال ولد بشیر کے ناموں سے ہوئی ہے۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں